Силни ривали за младинките и кадетките за ЕП и за младинците за Мундијалот!

28 јануари 2025 - 12:25

Младинската и кадетската ракометна репрезентација на Македонија во женска конкуренција ги дознаа своите противнички за Европските првенства кои ќе се одржат следното лето во Црна Гора.

Младинската репрезентација до 19 години ќе се натпреварува во групата А, каде што за ривалки ќе ги има репрезентациите на Унгарија, Чешка и Полска.

Групи за младинското Европско првенство:

Група А: Унгарија, Чешка, Македонија, Полска

Група Б: Данска, Црна Гора, Исланд, Литванија

Група Ц: Србија, Шведска, Швајцарија, Финска

Група Д: Германија, Романија, Шпанија, Фарски Острови

Група Е: Франција, Норвешка, Португалија, Словенија

Група Ф: Хрватска, Холандија, Австрија, Турција

Кадетската репрезентација на Македонија, пак, е сместена во групата Б, каде ќе се соочи со селекциите на Словачка, Германија и Португалија. Овој состав успеа да избегне дуели со силните скандинавски и балкански репрезентации.

Групи за кадетското Европско првенство:

Група А: Шведска, Данска, Шпанија, Турција

Група Б: Португалија, Германија, Македонија, Словачка

Група Ц: Исланд, Холандија, Швајцарија, Фарски Острови

Група Д: Норвешка, Унгарија, Србија, Словенија

Група Е: Црна Гора, Франција, Чешка, Литванија

Група Ф: Романија, Хрватска, Полска, Австрија

Европските првенства ќе се одржат во Подгорица, Црна Гора. Турнирот за младинките е закажан од 9 до 20 јули, додека кадетското првенство ќе се одржи од 30 јули до 10 август.

Силни ривали добија и младинците во машка конкуренција, кои ќе настапат на Светското првенство (СП) во Катовице (Полска) од 18 до 29 јуни, Нашите таленти ќе играат против Исланд, Романија и против уште една селекција што ќе добие вајлд-карта од ИХФ.