Шпанијa е во полуфиналето на ОИ, Египет може да жали!

07 август 2024 - 11:27

Египет водеше во најголемиот дел од натпреварот, но на крајот Шпанија се радува на пласман во полуфиналето на ракометниот турнир од Олимписките игри, се играа и продолженија, конечниот резултат беше 29-28.

Во регуларниот тек од мечот Египет постојано имаше водство, на моменти и со четири голови разлика. Во последните десет минути влегоа со три гола предност, беше 22-19, но оттогаш постигнаа само три погодоци, а Шпанците шест, па конечниот резултат по 60 минути игра беше 25-25.

Во клучните моменти од натпреварот Шпанија имаше ветар во грб и со сомнителни судиски одлуки што наиде на општо негодување во салата.

Се играше гол за гол во двете продолженија од по пет минути, на крајот Шпанија победи со 29-28.

Гомез беше најефикасен со девет погодоци, во составот на Египет Ел Дера даде осум голови.

Во полуфиналето Шпанија ќе игра со подобриот од дуелот меѓу Германија и Франција.