Ракометарите на Алкалоид тргнаа кон Атина за финалето во Европскиот куп (ФОТО)

16 мај 2025 - 16:40

Македонскиот ракометен тим Алкалоид замина кон Атина каде што в недела ја игра првата средба против АЕК од историското финале во Европскиот куп на ЕХФ.

Ракометарите ја напуштија Автокоманда и ќе се обидат во Грција да остварат добар резултат пред реваншот закажан за 25 мај во Скопје.

Првиот меч од финалето во Европскиот куп меѓу АЕК и Алкалоид се игра в недела од 18 часот, а пренос ќе врши „МРТ“.