Петти пораз по ред за Пелистер во ЛШ: Битолчани немоќни против Магдебург

23 октомври 2025 - 22:17

Ракометарите на македонскиот шампион Пелистер не успеаја да најдат решение за фантастичниот Магдебург и загубија со 26-36 во Германија во шестото коло од Лигата на шампиони (ЛШ).

Магдебург водеше од самиот старт на натпреварот, а на средината од полувремето веќе создаде предност од четири голови (12-8), која продолжи да расте до 19-13 пред паузата.

Битолчани имаа мини-серија од 3-0 на почетокот на второто полувреме и намалија на 16-20, но тоа беше сè од македонскиот тим затоа што набрзо Магдебург го засили темпото и поведе со убедливи + 11 (35-24), по што до крајот Пелистер не успеа да избегне голем пораз (26-36).

Магнусон беше незапирлив во редовите на Магдебург и постигна 10 голови, додека Филип Кузмановски запиша шест погодоци за Пелистер.

Останати резултати:

ПСЖ – ГОГ 34-36
Висла Плоцк – Барселона 24-34