Зиркзе на заминување од Јунајтед, доаѓа фудбалер на Оксер

Италијански медиуми тврдат дека тој веќе ги договорил условите со Рома и останува двата клуба да постигнат согласност за трансфер или евентуално позајмица. Рубен Аморим не смета многу на Зиркзе и веројатно нема да прави проблеми тој да си замине идниот месец.

Во исто време, Јунајтед е во завршна фаза од преговорите со репрезентативецот на Мали и фудбалер на Оксер, Ласин Синајоко. Негова оригинална позиција е напаѓач, но може да се снајде и како крило, а сезонава на седум натпревари постигна два гола за Оксер во француското првенство.

Засега не е познато колку би платил Јунајтед за фудбалерот од Мали, но тој би требало да има плата од околу три милиони евра по сезона.