Мурињо и Реал Мадрид го сменија терминот за гостувањето на Вардар во Лисабон!

03 февруари 2026 - 11:18

Поранешниот европски шампион Вардар ќе гостува во друг термин во Лисабон против Бенфика во главната фаза во Лигата на Европа, а главен виновник за тоа се тренерот Жозе Мурињо и Реал Мадрид, односно мечот во фудбалската Лига на шампиони (ЛШ).

Наместо во првичниот термин од 20.45 часот на 17 февруари, Вардар ќе ѝ гостува на Бенфика од 18.45 часот, откако во вечерниот термин ќе се игра мечот меѓу португалската фудбалска екипа и „кралевите“.

Промената немаше да се случи доколку Бенфика не успееше да слави против Реал Мадрид во последното коло од лигашката фаза во ЛШ, кога голманот Трубин во последните секунди постигна гол со глава и обезбеди триумф и пласман на Бенфика во следната рунда.