Магдебург го реши Пик Сегед за десетти триумф во ЛШ

04 декември 2025 - 22:37

Ракометарите на Магдебург продолжија да доминираат во Лигата на шампиони (ЛШ), откако вечерва го надиграа Пик Сегед со 40-32 за десетти триумф сезонава во елитното натпреварување.

Германскиот гигант беше одличен уште во првото полувреме, кое му припадна со 19-13, по што без посериозни проблеми до крајот на средбата стигна до посакуваниот триумф.

Гисли Кристијансон постигна седум голови за Магдебург, додека најефикасен кај поразениот тим беше Лазар Кукиќ со пет погодоци.

На вториот меч, кој се играше во истиот термин, Нант загуби од Кјелце со 29-33.

Фото: Facebook/SC Magdeburg