Два гола за Талески во триумфот на Бенфика против Кристијанштад

05 декември 2023 - 20:34

Македонскиот ракометар Филип Талески со два гола учествуваше во победата на Бенфика од 31-27 против Кристијанштад во шестото коло од групната фаза на Европската лига на ЕХФ.

Бенфика го најави триумфот уште во првото полувреме кое го доби со 15-14, а во вториот дел водството продолжи да расте до максимални шест гола разлика (25-19), по што на Кристијанштад му остана да намали на 27-31.

Бенфика заврши на третата позиција во групата А со четири бодови, додека пред себе ги има Нант со осум и Рајн-Некар со 10 бода.