Битола ќе „гори“: Европскиот шампион му гостува на Пелистер

Пелистер го чека еден од најтешките предизвици од почетокот на сезоната, но во салата „Боро Чурлевски“ во Битола ќе има голема поддршка од навивачите, а токму тоа го посочува тренерот Рубен Гарабаја како предност.

„Тешко е да се игра против Магдебург, но добро е што ја имаме поддршката од навивачите. Сите знаат дека не е лесно да се игра во Битола, а ние ќе дадеме сè од себе да го изненадиме Магдебург“, кажа Гарабаја.

Магдебург оваа сезона запиша дури осум победи во елитното натпреварување, додека Пелистер славеше само два пати и се наоѓа на претпоследното место во групата Б.

Натпреварот се игра вечерва од 20.45 часот во салата „Боро Чурлевски“ во Битола.