Вардар сака да ја завери титулата на најсладок начин - против Пелистер!

07 мај 2026 - 10:42

Денеска со почеток од 19 часот во СЦ „Јане Сандански“, Вардар го пречекува Пелистер во меч од ракометната Суперлига, дуел по кој црвено-црните можат да ја заверат шампионската титула.

На Вардар му е потребен бод од овој натпревар, доколку не загубат од Пелистер и официјално ќе се вратат на тронот и ќе ја прекинат доминацијата на зелените.

Пелистерци ќе се борат да победат во „Јане“ и да го одложат славјето на црвено-црните за некое следно коло.

Вардар во денешниот натпревар ќе влезе по исцрпувачкиот натпревар против Монпелје, Пелистер е свеж бидејќи имаше дополнителен одмор. Но, скопскиот тим на крилјата на своите навивачи ќе се обиде да ја оствари целта и со победа да стави круна на сезоната.

Вардарци уште ја чувствуваат болката од минатата сезона кога Пелистер среде Скопје ја освои титулата, па овој меч може да се гледа и како дуел за одмазда.

Најсладок можен начин да се освои титулата е кога таа се заверува против најголемиот ривал, овојпат Вардар сака да го направи тоа.