Селекторот на жените е нов тренер на Тиквеш!

04 септември 2024 - 19:09

Ракометниот клуб Тиквеш пред три дена го отпушти тренерот Драган Марковиќ, кој се појави на меморијалниот турнир „Миле Нешкоски“ во влечки, а денеска екипата од Кавадарци го промовира неговиот наследник.

На кормилото на кавадарчани ќе седне селекторот на женската ракометна репрезентација на Македонија, Кристијан Грчевски.

Македонскиот стратег ќе се обиде со Тиквеш да се избори за добри резултати во македонската ракометна Суперлига, но и во ЕХФ-купот.

Грчевски ја извршува функцијата селектор на женската ракометна репрезентација од 15 септември 2023 година, откако претходно ги предводеше и кадетите.