Реприза на ланскиот турнир: Вечните се избегнаа во полуфиналето од куп-завршницата!

25 март 2026 - 13:44

Во Ракометната федерација на Македонија (РФМ) денеска беа извлечени двојките за полуфиналето од завршниот турнир во Купот на Македонија, кој годинава ќе се одржи во салата „Парк“ во Струмица и тоа како своевидно дежаву.

Ждрепката посака „вечните“ ривали да не се сретнат во полуфиналето, па двојките се идентични како и минатата година. Во првиот меч силите ќе ги одмерат Охрид и Пелистер (17 часот), додека во второто полуфинале ќе се соочат Алкалоид и Вардар (20 часот).

Трофејот во ова натпреварување ја брани екипата на Вардар. Полуфиналните средби се закажани за 17 април, а два дена подоцна ќе се игра финалето помеѓу победниците.