На Македонија ѝ даваат најмали шанси да се пласира на СП 2026 преку баражот (ФОТО)

25 март 2026 - 12:25

Македонската фудбалска репрезентација утре против Данска во Копенхаген ќе го одигра полуфиналниот дуел од баражот за пласман на СП 2026, во кој влегува потценета и како голем аутсајдер, барем според букмејкерите.

Истото мислење за нашите шанси да преживееме на стадионот „Паркен“, но и потоа да излеземе како победници против подобриот од пресметката меѓу Чешка и Република Ирска го има и суперкомпјутерот. Според него, избраниците на селекторот Гоце Седлоски имаат 15-отсто шанси да излезат како победници од утрешната пресметка во данската престолнина, а само 4-отсто шанси да се пласираат на претстојниот Мундијал.

Но, ова не е првпат Македонија да биде вака потценета, што можеби е и добро бидејќи тоа ќе биде дополнителен мотив за нашите фудбалери да докажат дека вредат и можат многу повеќе од што мислат другите.