Охрид во драматична завршница го скрши Бутел

Охрид беше одличен во првото полувреме, не грешеше во нападот, а исто така одлично се бранеше за да стигне до водство од 13-8.

„Гладијаторите“ беа одлични и на стартот на вториот дел кога стигнаа до предност од осум голови (19-11), меѓутоа Бутел не се предаваше и во драматична завршница намали на 20-21. Сепак, Охрид не згреши во последните секунди и ја обезбеди победата.

Најдобри во победничкиот тим беа Гал Цирар со седум голови и Гоце Ојлески со шест погодоци, додкеа Христијан Милошески и Димитар Ѓеоргиевски постигнаа по четири голови за Бутел.

Пролет со триумф од 30-23 против Струга го отвори разигрувањето за опстанокот, а најефикасни во победничката екипа беа Стојановски и Андоновски со по шест голови, додека на спротивната страна Ристиќ постигна шест погодоци.