Го шокира Ѓоковиќ во Мајами, па неочекувано го откажа настапот на следниот Мастерс!

03 април 2025 - 15:40

Младиот чешки тенисер, Јакуб Меншик, се повлече од Мастерсот во Монте Карло само неколку дена по сензационалната титула на турнирот во Мајами, каде што во финалето го победи Новак Ѓоковиќ (7-6, 7-6).

Одлуката доаѓа како резултат на физичката и менталната исцрпеност, а дополнителен фактор е што во Монте Карло би морал да игра квалификации. Меншик, кој има само 19 години, со оваа титула го постигна најголемиот успех во својата кариера. Претходно, на патот до финалето, ги совлада Роберто Баутиста Агут, Џек Дрејпер, Роман Сафиулин, Артур Фис и Тејлор Фриц.

„Среќен сум што се враќам дома по неколку неверојатни денови. Благодарен сум за сите моменти, спомени и поддршката“, напиша Меншик на социјалните мрежи, споделувајќи фотографија со својот тим.

Учеството во Монте Карло го откажаа и Жижен Жанг, Роман Сафиулин и Јошихито Нишиока. Турнирот ќе се одржи од 6 до 13 април, а титулата ќе ја брани Стефанос Циципас. Меѓу учесниците е и Ѓоковиќ, кој ќе има нов обиде да ја освои својата 100-та титула во кариерата.