Македонскиот првак со победа над Војводина го почна настапот во регионалната лига!

28 август 2025 - 18:46

Ракометарите на Пелистер дојдоа до првата победа на стартот од Регионалната лига во Скопје, совладувајќи ја Војводина со 30-29 (15-16), иако речиси цел натпревар беа во резултатски дефицит.

Српскиот вицешампион имаше предност во текот на првото полувреме, во одредени моменти и со три гола разлика. Но, со подобрена игра во одбраната и со квалитетни индивидуални решенија на бековите, како и со сигурната завршница на капитенот Филип Кузмановски, македонскиот првак успеа да направи пресврт и да ги обезбеди бодовите без голема драма во последните минути. Битолчани настапија во ослабен состав поради повреди на повеќемина стандардни ракометари – меѓу отсутните беа голманот Митревски, Хаидарирад, Манасков, Ристевски и Кузманоски.

Натпреварот се одигра во спортскиот центар „Борис Трајковски“ во Скопје.

ФОТО: Facebook E. PELISTER

Програмата на Регионалната лига

Женски турнир

Металург Автокоманда – Бор 21-27

Ѓорче Петров – Будуќност (19 часот)

Машки турнир

Пелистер – Војводина 30-29

Вардар 1961 – Ловќен (21 часот)