Бутел пресилен за Голден Арт, врза втора победа по ред

01 октомври 2023 - 19:33

Четвртото коло во ракометната Суперлига заврши со сигурна победа на Бутел во дуелот со Голден Арт, во рамки на групата Б.

Бутел го доби мечот со 29-23, во едно изедначено прво полувреме и многу помирно второ, ако се прашаат домаќините. Всушност, Голден Арт парираше до 20. минута, кога водеше со 9-8, но потоа следуваше голгетерски молк од осум минути, време за кое Бутел направи серија од четири невозвратени гола, за да замине на пауза со 12-10.

Во вториот дел предноста растеше постепено, но сигурно, достигнувајќи ги највисоките плус седум во неколку наврати. Бековската тројка Филип Николов, Димитар Ѓеоргиевски и Лука Ивиќ (новодојдениот лев бек од Србија) го предводеше Бутел со по пет гола. Кај поразените, по пет пати прецизно стрелаа Мице Шилегов и Тоше Ончев.

Ова е втора победа за Бутел и тоа по ред, со која дојде на четвртото место во групата Б, со шест бода, колку и Прилеп и Голден Арт.

 

СУПЕР ЛИГА 4. КОЛО

ГРУПА А

Куманово - Тиквеш 16-28

Струга - Скопје 37-28

Охрид - Пелистер 2 24-22

Аеродром - Алкалоид 30-44

ТАБЕЛА: Алкалоид 12, Тиквеш 12, Охрид 9, Струга 6, Аеродром 6, Пелистер 2 3, Куманово 0, Скопје 0.

ГРУПА Б

Прилеп - Вардар 22-35

Вардар Н. - Пелистер 17-32

Пролет - Мулти Есенс 32-27

Бутел - Голден Арт недела 18ч

ТАБЕЛА: Вардар 12, Пелистер 9, Пролет 9, Бутел 6, Прилеп 6, Голден Арт 6, Вардар Н.