Димитријевиќ солиден на дебито, со една асистенција ги воодушеви Германците! (ВИДЕО)

07 јануари 2026 - 22:20

Македонскиот кошаркар, Ненад Димитријевиќ вечерва го имаше своето деби во дресот на Баерн Минхен и тоа во триумфот на германскиот гигант на свој терен против Басконија од 96-89.

Димитријевиќ одигра важна улога во победата и на паркетот помина повеќе од 17 минути во кои успеа да постигна осум поени и да додаде уште три скока и четири асистенции.

Најефикасен во победата на Баерн беше Обст кој средбата ја заврши со 37 постигнати поени, додека на спротивната страна Италијанецот Спагноло „броеше“ до 20.

По серијата порази за Баерн ова беше втор триумф во низа откако во минатото коло славеа и над Макаби.

Во вториот натпревар кој се играше денеска порано Париз на гости го совлада Ефес со 84-79.