Тренер во Замбија пукал со пиштол во воздух за да се одбрани од разулавени навивачи

Тренерот Есу Чало Зулу, кој е тренер на клубот Зеско Чипата прво испукал три куршуми во воздух веднаш откако судијата свирнал крај на мечот, кој неговиот тим го загубил со 0-1, а потоа испукал уште петпати пред својот автомобил, кој бил паркиран во близина на игралиштето.

Целиот инцидент се случил викендов откако Зеско Чипата загубила од Пизн Леопардс Чипата, а како што пренесува „Асошиетед Прес“, тренерот Зулу признал дека пукал во воздух за да ги растера разулавените навивачи,

Според информациите, голем дел од навивачите се против него и едниствен начин да се спаси е да го искористи пиштолот, зашто хулиганите се заканувале дека ќе го каменуваат неговиот тим, а по мечот го опколиле и се исплашил дека ќе добие тежок ќотек.

Полицијата објавила дека тренерот имал регистриран пиштол и дозвола за носење, додека фудбалскиот сојуз во оваа африканска земја посочила дека ќе го сочека делегатскиот извештај пред да преземе некакви чекори.