Сталоне откри: Пеле ми го скрши прстот со шут на снимањето на култниот филм „Бегство до победата“

Филмот во кој Сталоне, Пеле и низа други ѕвезди глумат како заробеници на нацистичка Германија и треба да одиграат фудбалски меч со војниците во логорот, е еден од најкултните филнови со фудбалска тематика, а сега холивудската ѕвезда првпат проговори за досега непознати детали за „Би-Би-Си“.

„Кога го снимавме филмот, ми рече дека ќе шутира и јас му одговорив: ' во ред'. Голема работа, фудбал е ова, што може да ми направи, помислив во тој момент. Лесна работа. Ама Пеле облече некои копачки од Втората светска војна, кои имаа на врвот челик, а топката како ѓуле, ем двојно подебела, па уште и петпати потешка од денешните топки. И тргна да изведе пенал, му кажа каде и ќе шутира, застанав таму, а кога шутна – топката прелета покрај мене, пред јас воопшто да се помрднам. Следеше втор обид, кога ја скина мрежата, па го скрши прозорот од касарната каде што снимавме. И ден денеска ме боли тој скршен прст што се обидов да му одбранам. Ваква клоца во задникот никогаш повеќе не добив“, откри Сталоне.