Сопруга на премиерлигашка ѕвезда уапсена на аеродром со пиштол
Бела Колашинац била уапсена на аеродром во Велика Британија, откако во нејзиниот куфер бил пронајден пиштол. Сопругата на босанскиот репрезентативец го купила пиштолот во Германија и легитимно си извадила дозвола за истиот. Таа летала од Франкфурт назад за Лондон со приватен авион, но веднаш била уапсена при пристигнувањето во Англија.
Не ги знаела законите и правилата, дека истата дозвола за поседување на оружје во Германија не важи и во Велика Британија, а особено не на аеродром. Англиските медиуми објавуваат дека госпоѓа Колашинац го купила пиштолот од страв, бидејќи минатото лето нејзиниот сопруг и Месут Озил беа нападнати на улица од криминалци кои сакаа да го украдат автомобилот на Германецот.