Рони О’Саливен: Си уништив неколку години со дрога и алкохол

11 мај 2023 - 18:30

Еден од најдобрите снукер играчи, Рони О'Саливен во минатото имал големи проблеми со алкохолот и дрога, а тоа го откри во разговор со медиумите.

На О’Саливен му беше одземено прво место на турнир во 1998 година затоа што бил позитивен на марихуана, а две години подоцна решил да се откаже од неа.

„Изгубив шест или седум години со алкохолот и марихуаната. Потоа уште четири години се соочував со различни проблеми во приватниот живот. Не бев фокусиран на играта. Десетина години не тренирав речиси ништо, туку само пиев и пушев марихуана за да го издржам денот“, откри О’Саливен.