Капитен на хрватски тим уапсен поради убиство на навивач во Грција!

26 септември 2023 - 18:28

Хрватскиот нисколигаш Либертас од Новска доживеа дебакл во Купот од Риека со 0-9, а од трибините се слушаше името на Леонардо Јагатиќ, кој е меѓу уапсените навивачи за убиството на Михалис Кацурис во Атина.

Овој 23-годишен фудбалер пред Либертас играше за уште неколку екипи, а неговото име се наоѓа меѓу навивачите на Динамо кои направија хаос во Грција пред мечот против АЕК.

Кацурис беше убиен пред квалификациите за Лигата на шампиони (ЛШ) кога во Атина гостуваше Динамо Загреб.

Натпреварот беше одложен, но потоа АЕК успеа да слави и да го елиминира Динамо од најелитното европско клупско натпреварување.