Касилјас распука по „Франс Фудбал“ откако Меси ја доби „Златната топка“

30 ноември 2021 - 11:49

Ѕвездата на францускиот гигант ПСЖ, Лионел Меси ја доби својата седма „Златна топка“ во кариерата, а тоа на многумина не им се допадна бидејќи Роберт Левандовски имаше одлична година со Баерн Минхен.

Еден од луѓето кои не се сложуваат со изборот на „Франс Фудбал“ е поранешниот голман на Реал Мадрид, Икер Касилјас.

„Тешко ми е да им верувам на фудбалските награди. За мене Меси е еден од најдобрите во историјата, но мора да знаете како да ги подредите најдобрите во една сезона. Не е толку тешко, по ѓаволите“, кажа Касилјас.