Пеле му честиташе на Меси: Ја заслужи наградата со својот талент!

30 ноември 2021 - 10:58

Фудбалерот на ПСЖ, Лионел Меси вчера ја освои својата седма „Златна топка“ во кариерата, а веднаш потоа пристигна и честитка од легендарниот бразилски фудбалер Пеле.

Пеле испрати кратка порака до Меси по новото големо признание со кое стана апсолутен рекордер, па така зад него го остави Кристијано Роналдо со пет награди.

„Му честитам на Меси за наградата. Тоа го заслужи со својот талент“, кажа Пеле.

Меси во септември годинава го урна рекордот на Пеле од 77 голови постигнати за една јужноамериканска репрезентација.