Момчето кое снимаше рап песни со Халанд синоќа го посрамоти Мурињо (ВИДЕО)

22 октомври 2021 - 11:56

Фудбалерите на Рома синоќа доживеаа дебакл во Конференциската лига затоа што на гостувањето кај Бодо Глимт беа поразени со 1-6.

Норвешкиот тим напрви вистинска сензација, а јунак во победата беше Ерик Ботхеим кој постигна два гола и имаше три асистенции за Бодо Глимт.

Ботхеим е талентиран норвешки фудбалер на кој му се предвидува светла иднина, а има само 21 година, додека во младинските категории на Норвешка бил голем пријател со Ерлинг Халанд.

Тие биле тинејџери и имале своја рап група во која снимале песни, а дури имале и спотови, кои може да се погледнат на Јутјуб.