Николов: Едвај чекам да дојде март – живеам за тој ден да играме на Европско!
Николов посочи дека третото место е успех, но дека постои и разочарување зашто Македонија можела да стигне и до втората позиција и пласман на Евро 2020, па потенцира дека едвај чека да дојде март за клучните баражи за пласман на континенталниот собир.
„Успех е третото место, но разочарани сме, зашто како што реков и пред мечот, можевме и заслужувавме да стигнеме до тоа второ место и директен пласман. Но, тоа е што е. Сега оваа победа ни дава малку крила и самодоверба за во март. Не чекаат четири месеци до тој меч, но верувајте живеам за тој ден, сонувам да играме на Европско и едвај чекам да дојдат баражите. Најбитно е да бидат сите здрави и живи, да немаме вакви проблеми (со повреди – н.з.), зашто секој фудбалер е битен во овој тим. Со играта покажавме дека го заслуживме третото место, но некои ситници и мали детали како мечевите со Полска и Австрија дома ја решија групата. Ајде, 30 години Македонија не била на трето место, ние сме сега први што стигнавме тука...“, рече Бобан Николов.