Замина уште една легенда: Давид Вилја му кажа збогум на фудбалот

13 ноември 2019 - 13:13

Шпанскиот голгетер Давид Вилја реши да ја заврши фудбалската кариера по крајот на сезоната во екипата на Висел Кобе.

Освојувачот на европската и светската титула со репрезентацијата на Шпанија од активното играње фудбал ќе се збогува на крајот на годината кога ќе го прослави 38. роденден.

„Долго време размислував за одлуката. Таа е резултат на долги дискусии со семејството и пријателите. Сакам да ја завршам кариерата“, кажа Вилја на прес-конференцијата за медиумите.

Најмногу успех имаше во Барселона во период од 2010 до 2013 година, кога освои осум трофеи меѓу кои две во Ла Лига и Лигата на шампиони, а ќе остане и запаметен по голот во финалето на лондонско „Вембли“ во победата против Манчестер јунајтед со 3-1.