Кралевите објавија дека се на пат кон Дортмунд, а реакцијата на Борусија беше урнебесна (ФОТО)

26 септември 2017 - 13:03

Хуморот не им е баш посилна страна на Германците, но од ПР службата на Борусија Менхенгладбах покажаа дека и тоа како знаат да се пошегуваат на своја сметка.

Реал Мадрид вечерва ѝ гостува на Борусија Дортмунд во 2-то коло од Лигата на шампионите, а на официјалниот Твитер профил вчера кралевите објавија фотографија од летот во авионот со кратка порака „На пат кон Дортмунд“.

На ваквата објава во коментар осамна Борусија, но една друга, Борусија Менхенгладбах која со својот коментар ги освои симпатиите. Под фотографијата Германците пишаа:

„Доколку случајно таму ја пронајдете нашата одбрана, ве молиме да ја испратите кон Менхенгладбах“.

Алузијата е повеќе и од јасна: Менхегладбах во саботата гостуваше кај истоименикот во Дортмунд и доживеа вистински дебакл од 1-6. Одбраната како во целост да им исчезна па од таму и ваквиот коментар на објавата на Реал Мадрид...