„Сан“ откри каде ќе се игра Суперкласико, се чека потврда од КОНМЕБОЛ

29 ноември 2018 - 12:35

Аргентинското Суперкласико помеѓу Ривер плејт и Бока јуниорс, кое беше одложено изминатиот викенд по нападот врз автобусот со фудбалери на Бока ќе се игра во Катар на 8 декември, објави ексклузивно „Сан“.

Јужноамериканската конфедерација КОНМЕБОЛ во вторникот донесе одлука мечот од реванш-финалето за континенталната круна да се игра на 8 или 9 декември надвор од Аргентина, но не беше прецизирано каде би можело да се игра (се шпекулираше со Парагвај, Бразил, Катар, Абу Даби...). Сега, според „Сан“ повикувајќи се на извори од КОНМЕБОЛ, мечот веќе извесно е дека ќе се игра на „Калуфа Интернешнл Стадиум“ во Доха, кој собира 40.000 гледачи.

Наводно КОНМЕБОЛ уште денеска може да го потврди ова место за домаќин на реваншот во финалето во Копа Либертадорес. Ако тоа се случи, Ривер и Бока ќе треба да поминат 13.300 километри од Буенос Аирес за да стигнат до Доха, а победникот ќе продолжи за Абу Даби каде ќе игра на Светското клупско првенство, додека поразениот ќе си се врати дома.

Инаку „Калифа Стадиум“ е првиот стадион кој е изграден во Катар за Светското првенство со 2022 година.

Ривер и Бока требаше да играат на „Монументал“, но по нападот на автобусот, мечот двапати беше пролонгиран, па одложен во два дена. Бока и понатаму инсистира да не игра и бара службена победа, а интересно бившиот челник на овој клуб, Маурицио Макри, кој сега е претседател на Аргентина побара од КОНМЕБОЛ сепак мечот да се игра во домот на Ривер.