Малку фалело да се случи трагедија за време на интервју на Иниеста (ВИДЕО)
Херојот на Шпанија од СП 2010, давал интервју, а за потребите на истото била направена и импровизирана трибина. И додека ѕвездата на Барселона, која по 22 години заминува од каталонската гордост го давала интервјуто, премногу заинтересирани се напикале на трибината, која одеднаш се срушила. Од 50-на луѓе на истата, 18 завршиле со повреди, а само чиста среќа е што сето тоа не однело и некој човечки живот.
На лице место им била укажана лекарска помош, некои биле префрлени во болница и за среќа без тешки повреди. Поради инцидентот, Иниеста преку Твитер им упатил поддршка на сите што настрадаа во инцидентот.
Después del susto que nos hemos llevado todos esta mañana, quiero enviar un mensaje de apoyo y ánimo a todos los que estábamos hoy allí y esperar que los heridos se recuperen lo antes posible. Un abrazo a todos. @Chester_cuatro
— Andrés Iniesta (@andresiniesta8) May 15, 2018
„По ужасот што го преживеавме утринава, сакам да упатам поддршка за сите и охрабрување за сите кои бевме таму. Се надевам дека повредените ќе закрепнат што е можно побрзо. Ве гушкам сите“, напишал Иниеста.
Полицијата започнала истрага за да се утврдат деталите од несреќата и да се најде одговорниот за тоа.