Се лади шампањот на Максимир: Ристовски и Адеми пред нова титула со Динамо
„Модрите“ беа подобри од Риека како гости и триумфираа со 2-1, па на три кола пред крајот имаат предност од четири бода во однос на својот најголем ривал. До победата, Динамо дојде со пресврт, имајќи предвид дека до 75. минута Риека водеше со 1-0, благодарение на голот на Пјаца од пенал.
Во 75. минута Бруно Петковиќ изнуди слободен удар и сам го претвори во гол, а потоа Хоџа, на минута пред истекот на основните 90, го комплетира пресвртот на Динамо.
Во последните три кола, загрепскиот тим игра на домашен терен против Осиек и Рудеш, а гостува на Славен и во овие три меча му се потребни две победи за да ја обезбеди новата шампионска титула.