Ужасен старт на ерата на Покетино: Црвен картон на Јоро и два примени гола за само 12 минути на Енфилд (ВИДЕО)

Маурисио Покетино тешко дека можеше да замисли полош почеток на својата авантура на клупата на Манчестер Јунајтед. На гостувањето кај Ливерпул, во неговото деби како менаџер на „црвените ѓаволи“, работите тргнаа во целосно погрешна насока уште во првите 12 минути.

Јунајтед остана со играч помалку во осмата минута, откако Лени Јоро доби директен црвен картон. Францускиот дефанзивец го собори Александер Исак, кој се најде во одлична позиција за гол, а судијата немаше дилема – предвремено испраќање во соблекувалната за стоперот на гостите.

 

 

Тукушто Јоро излезе од игра, Ливерпул поведе со 1-0. Од слободниот удар по фаулот на французинот, Доминик Собослаи ја затресе мрежата на Јунајтед во 10. минута, предизвикувајќи дополнителен шок во гостинскиот табор.

 

 

И тука не беше крај на проблемите на Јунајтед. Во 12. минута, Нгумоа се проби по левата страна, нафрли пред голот, а таму Вирц со атрактивен удар го совлада Ламенс за убедливо водство на домашниот тим.