Симулациите открија: Македонија би можела да добие незгоден ривал во баражот!
Белорусија е на врвот со 27 отсто шанса за дуел со Македонија. На второто место е Кипар со 24,3 проценти, додека Естонија има 22,5 проценти. Многу помали се шансите за пресметка со Фарските Острови, односно 12,9 отсто.
Интересно е што Белорусија има поголема веројатност од вообичаените 25 проценти за еден можен пар. Од „Football Meets Data“ објаснуваат дека причината е правилото според кое Белорусија и Украина не можат да се сретнат во ждрепката.
Ждрепката за баражите е закажана за 20 ноември, а натпреварите ќе се играат од 25 до 30 март 2027 година.