Пораз дома и од Словенија за крај на очајната година: Десет меча, осум порази и еден постигнат гол во 2026! (ФОТО)
Нашите репрезентативци тргнаа офанзивно против Словенија, но по една неискористена шанса во 29. минута гостите преку Даниел Штурм нè казнија и поведоа со 1-0.
Словенија во вториот дел успешно го чуваше водството, а постигна и втор погодок преку Давид Зец. Македонија не успеа да одговори, па падна и темпото на игра, а гостинската репрезентација го искористи тоа за да постигне и трет гол преку Штурм во судиското надополнување.
Македонската фудбалска репрезентација заврши на последната позиција во групата 1 без освоен бод, 15 примени голови и само еден постигнат погодок.
Македонија ќе мора преку бараж да го брани статусот во Лигата Б. Ждрепката за баражите е закажана за 20 ноември, а натпреварите ќе се играат од 25 до 30 март 2027 година.





