Седлоски: Не знам дали е до мене или до фудбалерите - им се извинувам на навивачите!

Македонија со пораз од Словенија (0-3) ја заврши групната фаза во Лигата на нации, а селекторот Гоце Седлоски им се извини на навивачите поради очајните настапи на репрезентацијата.

Седлоски кажа дека натпреварите на домашен терен ги одиграле без желба и агресија.

„Овие натпревари кои ги игравме дома беа некако без желба и агресија, тешко ни е и на мене и на играчите. Не знам зошто домашните натпревари ги играме вака лошо. Кога играш за репрезентација не е важна формацијата, туку на теренот треба да почувствуваш што треба да правиш. Словенија денеска беше добра на тие контри, а ние тешко се враќавме. И ние се прашуваме зошто играме така без трка, без борба... Не знам дали е до мене или до фудбалерите, ќе покаже времето. Се извинувам за ваквиот настап во оваа Лига на Нации“, кажа Седлоски.

Македонија ја заврши групната фаза во Лигата на нации со шест порази.