Бизарно: Фудбалери останале на улица пред квалификациски меч – автобусот снемал гориво! (ВИДЕО)
Имено, автобусот со кој се превезувале фудбалерите и стручниот штаб останал без гориво, поради што сите морале да застанат и да чекаат решение за проблемот.
Ситуацијата станала уште понеобична кога се дознало дека не бил обезбеден ниту резервен автобус. Поради тоа, репрезентативците и членовите на стручниот штаб морале да најдат алтернативен превоз, па до своите хотели се враќале со помали возила на „Убер“.
Инцидентот се случил во момент кога Кенија се подготвува за реваншот против Јужноафриканската Република во квалификациите за Африканскиот куп на нации во 2027 година.
🚨 Players and members of the technical staff are still shocked by the situation. Immediately after training, the bus driver informed them that they could not leave because there was no fuel. Everyone is still waiting, with the team yet to move. Remember, Kenya will join Tanzania and Uganda in hosting the 2027 Africa Cup of Nations. #AFCONwithMicky #AfricanFootball #Kenya
— Micky Jnr (@MickyJnr__) November 15, 2026
Настанот предизвика бројни реакции кај оние што го следат африканскиот фудбал, а дел од критиките беа упатени кон луѓето кои раководат со фудбалот на овој континент.
„Не уживаме во известувањето за вакви ситуации. Сепак, ако молчиме, како некогаш ќе се променат работите? Фудбалерите и членовите на стручниот штаб се луѓе, имаат семејства и обврски и заслужуваат почит и подобар третман“, се наведува во една од реакциите.
🚨 𝐔𝐏𝐃𝐀𝐓𝐄: One hour after completing their training session, Kenya’s national team are still stranded. The team bus has yet to move because there is no fuel. The Harambee Stars are preparing for their crucial AFCON 2027 qualifier against South Africa. What is going on? 🤦♂️ #AFCONwithMicky #AfricanFootball #Kenya
— Micky Jnr (@MickyJnr__) November 15, 2026
Особено беше нагласено дека африканскиот фудбал не се сведува само на носење костуми, копачки или навивање од трибините, туку дека пред сè мора да се води сметка за луѓето кои се негов составен дел.
Кенија, заедно со Уганда и Танзанија, ќе биде домаќин на Африканскиот куп на нации во 2027 година, па ваквите сцени дополнително ги отвораат прашањата за организацијата и логистиката во пресрет на еден од најголемите спортски настани на африканскиот континент.