Маркез ита кон осмата титула, најбрз беше и во Сепанг

01 ноември 2026 - 13:35

Марк Маркез победи на Големата награда на Малезија во Сепанг, првпат по 2018 година и сега има 44 бода предност во генералниот пласман во МотоГП шампионатот пред отсутниот Хорхе Мартин.

Шпанецот веднаш по стартот го престигна својот брат Алекс, кој тргна од пол-позицијата и прв влезе во свиокот. Алекс брзо ја врати водечката позиција, но во следниот свиок излета пошироко и повторно му го препушти водството на својот брат, кој потоа не направи грешка до целта.

Педро Акоста во текот на трката го престигна Алекс Маркез и се искачи на второто место, додека Алекс заврши трет. Марко Бецеки и Аи Огура имаа контакт во борбата за позиција, по што Огура успеа да го престигне Бецеки и да го освои четвртото место.

Со победата, Маркез стигна до 399 бодови во генералниот пласман, односно има 44 повеќе од Мартин, кој не настапи поради скршеница на зглобот на раката.

Доколку на трката во Катар следната недела ја зголеми предноста на 74 бода, Маркез ќе може да ја обезбеди својата осма шампионска титула и тоа две трки пред крајот на сезоната.