Oчајниот Јувентус поразен и од Џенова (ВИДЕО)

28 октомври 2026 - 22:51

Јувентус продолжува да ги разочарува своите навивачи. „Старата дама“ вечерва загуби на гостувањето кај Џенова со 2-0, откако домашниот тим уште во првото полувреме ја обезбеди победата.

Џенова го отвори резултатот во 12. минута преку Ехилзбуе, а Балданзи во 28. минута ја удвои предноста. Јувентус не успеа да најде одговор, па домаќините без поголеми проблеми ја зачуваа предноста до крајот.

За торинскиот гигант ова беше трет пораз во првите девет кола, по кој останува на осмото место. Џенова, пак, стигна до третата победа и со десет бода се наоѓа на 13. позиција.

За разлика од Јувентус, Наполи немаше никакви проблеми и на гостински терен ја совлада Монца со убедливи 4-1. Хојлунд, Политано, Марин и Де Брујне се запишаа меѓу стрелците за Наполи, додека единствениот гол за домаќините го постигна Варел.

Веќе следниот викенд на програмата е дербито помеѓу Наполи и Јувентус.