Криза го тресе Наполи: Де Брујне промаши пенал, Венеција првпат победи сезонава!

За избраниците на тренерот Максимилијано Алегри ова е нов шок, кој доаѓа само три дена по поразот од Вилјареал во рамките на Лигата на шампионите. За Венеција, пак, ова беш прв триумф и три огромни бода благодарение на погодокот кој го постигна Акор Адамс во 49. минута од средбата. По примениот гол, Наполи на секој можен начин се обидуваше барем да избегне пораз, но сите офанзивни обиди останаа без посакуваниот ефект.

Гостите од Неапол не успеаја да ја затресат мрежата дури ни од најстрога казна. Во 68. минута од натпреварот, Кевин де Брујне ја презеде одговорноста од белата точка, но домашниот голман Станковиќ одлично го прочита неговиот удар и спречи израмнување.

Тимот од Неапол сега е деветти со 10 бода од седум натпревари, додека Венеција и покрај победата остануваат последни со три бода.