Случајност или привилегија? Ла Лига поништи жолт картон на фудбалер на Реал Мадрид!

15 октомври 2026 - 13:47

Дисциплинската комисија при Шпанската фудбалска федерација ја уважи жалбата на Реал Мадрид и го укина жолтиот картон на дефанзивецот Ибрахима Конате заработен на дуелот против Вилјареал, додека жалбата за санкцијата на Винисиус беше одбиена, со што офанзивецот ќе мора да пропушти дури четири натпревари.

Францускиот бранител дефанзивец беше официјално опоменат од судијата Исидро Диас де Мера во 81. минута од средбата во рамките на десеттото коло од Ла Лига, која заврши со минимална победа на „кралевите“ од 1-0. Спорниот момент се случи кога Французинот се најде во ситуација „еден на еден“ со Жерар Морено. Иако дефанзивецот успешно и чисто ја одзеде топката, арбитарот процени дека во текот на дуелот Конате го удрил напаѓачот на Вилјареал во пределот на лицето. Сепак, прегледувањето на видео-снимките од ситуацијата недвосмислено покажа дека одбранбениот фудбалер немал апсолутно никаков физички контакт со својот противник, што беше клучниот доказ за укинување на казната.

За разлика од Конате, Винисиус не доби позитивен одговор од Дисциплинската комисија и неговата казна останува во целост на сила. Тој е суспендиран на два натпревари поради влечење за коса на противнички играч, како и на дополнителни два натпревари поради жестоките протести кон судиите кои следеа по инцидентот.

ФОТО: X / @tjcope