Брутален одговор од Јамал за Лемина: Дали сега ме познава? (ВИДЕО)

14 октомври 2026 - 12:55

Во пресрет на натпреварот меѓу Галатасарај и Барселона, фудбалерот на турскиот клуб, Марио Лемина, изјави дека не знае кој е Ламин Јамал, а по натпреварот во Истанбул, младиот фудбалер на Барселона му одговори на теренот и на социјалните мрежи.

Лемина во најавата за дуелот рече дека од играчите на Барселона го познава само Сане, а реакцијата на Јамал пристигна по неговиот одличен настап.

Изјавата на Лемина очигледно дополнително ја мотивираше младата ѕвезда на Барселона. Јамал не постигна гол на натпреварот, но запиша две асистенции. Со првата му асистираше на Фермин за важен гол во натпреварот кој во првото полувреме беше потежок од очекуваното.

Втората асистенција привлече најголемо внимание. Потегот налик на рабона, со кој му додаде на Ентони Гордон за третиот гол на Барселона, брзо стана тема на социјалните мрежи. Со тој погодок натпреварот беше решен уште пред Адејеми да го постави конечниот резултат од 4-1.

По натпреварот, Јамал објави кратка порака на социјалните мрежи. Потсетувајќи на изјавата на Лемина: „Кој е Ламин Јамал? Го познавам само Сане“, младиот фудбалер едноставно праша:

„Дали сега ме познава?“

 
 
 
 
 
 
 
 
 
 
 
 
 
 
 

A post shared by @lamineyamal