Верстапен издоминира во Сингапур, Антонели со подиум дојде на чекор до историја

11 октомври 2026 - 15:55

Макс Верстапен со доминантно возење од почетокот до крајот дојде до победата на трката во Сингапур оставајќи ги зад себе Шарл Леклер и Кими Антонели.

Зад нив следуваа: Ландо Норис, Оскар Пјастри, Луис Хамилтон, Лијам Лосон, Нико Хулкенберг, Џорџ Расел и Пјер Гасли, кој ја комплетираше најдобрата десетка.

Антонели ја искористи укажаната можност и стигна до подиумот и покрај тоа што не беше во најдобра позиција. Со тоа, сè повеќе се приближува до моментот кога и математички би можел да ја обезбеди шампионската титула и да стане најмладиот шампион во историјата на Формула 1.

Кими сега има повеќе од 100 бода предност во однос на својот тимски колега Џорџ Расел, кој успеа да напредува и од последниот ред дојде до деветтото место, сепак би било вистинско чудо, ако Антонели на крајот на оваа сезона не стане шампион.