Eмоции во Росарио: Истакнаа џионовски дрес во чест на Меси (ВИДЕО)

06 октомври 2026 - 10:46

Лионел Меси, вечерва ќе се збогува од дресот на репрезентацијата на Аргентина со пријателскиот натпревар против Бенин кој е закажан за еден часот по полноќ по средноевропско време. 

Дуелот ќе се игра на „Монументал“ во Буенос Аирес. Во пресрет на натпреварот, навивачите во родниот град на Меси, Росарио, открија огромен дрес на аргентинската репрезентација со истакнат натпис „БЛАГОДАРАМ, #10“, со што ќе му оддадат почит на својот капитен.

Посветата во Росарио носеше емотивна порака од неговите сограѓани, кои изразија длабока благодарност за начинот на кој Меси ја трансформираше националната репрезентација.

„Благодарам, капитене. Ни даде сè. Направи повторно да веруваме, да го сонуваме невозможното и ни подари незаборавни моменти кои ќе останат со нас до крајот на животот“, стои во пораката.

Во неа се истакнува и болното сознание дека за аргентинскиот фудбал започнува нова ера без нивниот легендарен предводник.

„Ништо повеќе нема да биде исто. Не сме подготвени да те пуштиме, но ќе те следиме каде и да одиш“.

Збогувањето на Меси од репрезентацијата го означува крајот на златната ера во која Аргентина повторно стигна до огромни успеси. Тој ги предводеше „Гаучосите“ до три големи меѓународни трофеи, титулите на Копа Америка во 2021 и 2024 година, како и до најголемиот успех во неговата кариера, историскиот триумф на Светското првенство во 2022 година во Катар.

Вечерашниот натпревар против Бенин ќе биде негов 208. настап за Аргентина. Досега Меси постигна 125 гола и запиша 68 асистенции.