Тиквеш се бореше храбро, но загуби во првиот меч против Еш

19 септември 2026 - 19:50

Ракометарите на Тиквеш беа поразени од Еш од Луксембург со 27-30 во првиот натпревар на стартот на Европскиот куп на ЕХФ.

Тиквеш имаше добар почеток и предност од 7-5 и се бореше храбро против Еш, кој стигна до израмнување до полувреме (14-14).

Еш заигра подобро во вториот дел, па следеше и пресврт. Тиквеш се бореше да ја анулира негативата, меѓутоа на крајот загуби со три голови разлика (27-30).

Најефикасен во редовите на Тиквеш беше Бен Азиз со девет голови, додека Енес Аговиќ постигна шест погодоци кај Еш.

Фото: Facebook/ГРК Тиквеш 2014