Јунајтед сега се жали, а пред три години му даде идентичен гол на Сити (ВИДЕО)

14 септември 2026 - 18:46

Многу прашина се крена околу голот на Ерлинг Халанд на градското дерби против Манчестер Јунајтед, со кој Манчестер сити славеше со 1-0.

Халанд ја затресе мрежата во 60. минута од натпреварот, носејќи му предност на својот тим. Голот првично беше поништен на теренот поради сигнализиран офсајд, но по ВАР-проверката одлуката беше промената и голот беше признат. Јошко Гвардиол ја уфрли топката, Халанд погоди, а беше утврдено дека Норвежанецот не бил во офсајд-позиција.

Сепак, спорно е тоа што пред Халанд кон топката тргна Енцо Фернандез и милиметри недостигаа за да ја допре. Фудбалерите на Јунајтед бараа голот да биде поништен, бидејќи Фернандез со своето движење очигледно имал намера да ја удри топката и на тој начин му пречел на голманот Сенe Ламенс.

Од Јунајтед се жалат дека биле сериозно оштетени, но навивачите на Сити многу брзо им возвратија и потсетија дека Јунајтед пред три и пол години постигна сличен гол во градското дерби.

На 14 јануари 2023 година, Јунајтед го пречека Сити во 20. коло од англиската Премиер лига и славеше со 2-1 по пресврт.

Сепак, голот за 1-1 беше постигнат по очигледен офсајд кој не беше досуден. Каземиро ја испрати топката кон Маркус Рашфорд, кој тргна кон неа. Мануел Аканџи и Кајл Вокер се обидоа да го стигнат, но во последен момент Рашфорд застана и ја пропушти топката, дозволувајќи му на Бруно Фернандеш да шутира и да постигне гол.

Иако беше јасно дека Рашфорд учествуваше во акцијата откако се наоѓаше во очигледна офсајд-позиција, голот беше признат, а како објаснување беше наведено дека тој не играл со топката, слично како сега со Енцо Фернандез.