Ѓорческа запрена во првото коло во Љубљана

Македонската тенисерка загуби од Романката Мариам Булгари со 2-1 во сетови (6-4, 1-6, 6-2) за 2 часа и 15 минути игра.

Романската тенисерка во првиот сет направи еден брејк и тој се покажа како доволен за да го освои сетот со 6-4. Ѓорческа во вториот заигра многу подобро и на противничката и препушти само еден гем.

Сепак во решабачкиот сет Булгару одново го крена своето ниво и поведе со 3-0, Ѓорческа се врати до 3-2, но тука застана и следните три гема ги освои Булгару за конечна победа.

Следната недела Ѓорческа ја очекува турнир во Анкара.