Голема чест: Партизан ги именува трибините по две (нај)големи легенди на клубот!

Одлуката ја соопшти претседателот на Партизан, Остоја Мијаловиќ, кој истакна дека станува збор за луѓе чии имиња не се само дел од историјата на црно-белите, туку личности кои директно ја создавале.

Едната трибина ќе го носи името на најтрофејниот тренер во историјата на Партизан. Под негово раководство клубот создаде бројни генерации кошаркари и оствари големи резултати, а неговото влијание врз идентитетот на црно-белите остана длабоко врежано. Втората трибина ќе биде именувана по легендарниот Праја, една од најголемите кошаркарски легенди кои го носеле дресот на Партизан. Тој е запаметен како еден од најдобрите стрелци во историјата на клубот, но и како име со огромно значење за европската и светската кошарка.

Мијаловиќ откри дека пред да биде донесена одлуката побарал согласност од семејствата на Вујошевиќ и Далипагиќ, кои ја прифатиле иницијативата.

„Душко и Праја не се само имиња од нашето минато. Тие се дел од идентитетот на Партизан“, порача првиот човек на клубот.

Така, имињата на двете легенди од новата сезона ќе бидат постојано присутни во „Белградска арена“, каде што навивачите на Партизан ќе ги следат своите миленици.