Пелистер против ривали од Германија, Шпанија и Полска во групната фаза од Лига Европа!

17 јули 2026 - 11:39

Екипата на Пелистер ги дозна противниците во групната фаза од Лигата на Европа, откако денеска во седиштето на Европската ракометна федерација (ЕХФ) во Виена беше извршена ждрепката за второто по ранг европско клупско натпреварување.

Македонскиот тим ќе настапува во групата Г, каде што за ривали ќе ги има германски Гумерсбах, шпанска Ла Риоха и полски Вибжеже Гдањск. Битолчани ги очекуваат шест натпревари во групната фаза, а целта ќе биде освојување на едно од првите две места кои директно водат во елиминациската рунда.

Во нокаут-фазата ќе се пласираат прво и второпласираните екипи од сите осум групи, на кои ќе им се приклучат третопласираните и четвртопласираните тимови од Лигата на шампионите. Вкупно 28 екипи ќе формираат 14 двојки, чии победници ќе обезбедат место во осминафиналето. Таму ќе им се приклучат и петтопласираните состави од главната рунда на ЛШ, а најуспешните ќе се борат за пласман на завршниот турнир (Фајнал фор) во Хамбург.

Новата сезона во Лигата на Европа ќе започне на 29 и 30 септември, кога ќе се одиграат натпреварите од првото коло од групната фаза.

ЛИГА ЕВРОПА (групна фаза)

ГРУПА А: Нексе Нашице, Елверум, Сен Рафаел, Хамарби

ГРУПА Б: Бидасоа Ирун, Лимож, Хафнарфјордур, Мадеира

ГРУПА Ц: Извиѓач Љубушки, Кадетен Шафхаузен, Шамбери, ЧСМ Букурешт

ГРУПА Д: Савехоф, Татран Прешов, Сесвете, Бергишер

ГРУПА Е: Фленсбург, Гранољерс, Бузау, Агуаш Санташ

ГРУПА Ф: Бенфика, Карвина, Торелавега, Холстебро

ГРУПА Г: Еурофарм Пелистер, Гумерсбах, Ла Риоха, Вибжеже Гдањск

ГРУПА Х: Татабања, Валур, Слован Љубљана, Морс