Меси против Салах во спектаклот со кој се затвара осминафиналната фаза на СП 2026!

Во центарот на вниманието ќе биде пресметката меѓу актуелниот светски шампион Аргентина и Египет (18 часот), натпревар што ќе донесе директен дуел меѓу две од најголемите ѕвезди на светскиот фудбал – Лионел Меси и Мохамед Салах. „Гаучосите“ влегуваат како голем фаворит, откако досега забележа четири победи на турнирот. Во осминафиналето избраниците на Лионел Скалони по продолженија ги совладаа Зеленортските Острови (3-2), додека Египет до четвртфиналето стигна по подобро изведување пенали против Австралија.

Египќаните го играат едно од своите најуспешни светски првенства и првпат стигнаа до нокаут-фазата, а вечерва ги очекува најголемиот предизвик. Меси досега постигна седум од вкупно 11-те голови на Аргентина, додека најголемата надеж на „фараоните“ повторно ќе биде Мохамед Салах.

По овој спектакл, ќе се одигра натпреварот кој ќе го даде последниот четвртфиналист, откако во Ванкувер силите ќе ги одмерат Швајцарија и Колумбија (22 часот). Швајцарците се во подем на формата и во оваа фаза пристигнуваат по убедливата победа над Алжир, додека Колумбијците играат дисциплиниран турнир, особено во одбраната, каде на четири натпревари дури трипати ја сочува својата мрежа. Лидер на Швајцарија е искусниот Гранит Џака, а главната опасност во колумбискиот состав ќе биде Луис Дијас, кој ќе има силна поддршка од бројните колумбиски навивачи на трибините.